NEOFEN FORTE 400mg TABLETI x 10

​Неофен форте
Неофен форте е наменет за примена кај возрасни и адолесценти над 40 кг телесна тежина (од 12 години старост) за ублажување на: - Главоболка и мигрена - Забоболка и невралгија - Менструални болки - Ревматски и мускулни болки и болки во грбот - Болки предизвикани од артритис - Температура и симптоми на настинка и грип.
Неофен Форте (Neofen Forte) е лек во форма на филм-обложени таблети кој содржи 400 mg ибупрофен како активна супстанција. Спаѓа во групата на нестероидни противвоспалителни лекови кои делуваат како аналгетици (против болка), антипиретици (за намалување температура) и антиинфламатори (против воспаленија).
Дозирање и начин на примена
Таблетите се земаат преку уста, по можност за време или по оброк за да се заштити желудникот.Вообичаена доза: 1 таблета (400 mg) на секои 4 до 6 часа, по потреба.Максимална дневна доза: Не смеат да се земат повеќе од 3 таблети (1200 mg) во рок од 24 часа!Времетраење: Без консултација со лекар, може да се користи до 3 дена за покачена температура и до 5–10 дена за ублажување болки.
Најчестите несакани ефекти од негова употреба се поврзани со дигестивниот тракт: мачнина, горушица, абдоминална болка, дијареја или гасови. Долготрајна и прекумерна употреба може да го зголеми ризикот од гастрични улцерации или кардиоваскуларни проблеми.

---

Кога НЕ смее да се зема (Контраиндикации):
Пречувствителност или алергија на ибупрофен, аспирин или други слични лекови.
Историја на крварење или перфорација во желудникот или цревата предизвикани (НСАИЛ).
Активен чир на желудникот или на дванаесетпалачното црево.Тешко оштетување на црниот дроб, бубрезите или тешка срцева слабост.
Последното тримесечје од бременоста (треба строго да се избегнува).